Un gaiteiro bocalán

Este tipo é o gaiteiro (por definilo educadamente) que toca baixo o arco que conecta a Inmaculada e o Obradoiro. Xa lle teño observado nas miñas ruadas comportamentos bastante reprochábeis; pero hoxe,  minutos antes de tirarlle esta foto, estaba a bracear e insultar cara unhas peregrinas que non fixeran nada máis ca pasar por diante mentres facían un vídeo ca entrada ao Obradoiro e que estaban a facelo xa desde a Praza de Cervantes e non ca intención de recoller a súa "actuación sen pagar".

Con todo, el arríscase a que a xente o rexistre en fotografías e vídeos porque forma parte da contorna xa que elixe poñerse coma accesorio do lugar. Polo tanto, se non quere saír nas fotos ou nos vídeos dos turistas ou dos fotógrafos urbanos (coma no meu caso), que se quede na súa casa.

A esas peregrinas increpounas deixando de tocar con insultos e erguéndonlles o brazo en ton ameazante, e iso o Concello de Santiago debería de telo en conta pois só pode vir dunha persoa agresiva. Vese que non leva moi ben un día malo. Igual o seu son non é do agrado de todo o mundo e se non leva ben a falta de esmola, igual debería buscar outro traballo, pero non meterse nin co turista, nin ca peregrinaxe, nin cos transeúntes; a rúa non é del.

Así que convídote a dárlle un escarmento e se estás dacordo, non deixarlle un céntimo máis e que vaia ca súa gaita a insultar a onde o aturen!